(VÍDEO) Dous mozos de 15 e 16 anos fanse cun coche e grávanse conducindo por Bergondo

Os adolescentes foron pillados despois de compartir o vídeo do seu paseo en redes sociais. Pola súa idade ningún tiña opcións de posuír o permiso de conducir.

Ademais, no vídeo pódese apreciar como o condutor realiza adiantamentos e circula a unha velocidade moito máis alta á permitida pola vía. 

O Grupo de Investigación e Análise de Tráfico da Garda Civil investiga a dous adolescentes de 15 e 16 anos de idade por conducir un coche pola localidade coruñesa de Bergondo sen obter nunca o carné.

Os feitos remóntanse ao pasado 12 de abril, cando ambos foron sorprendidos conducindo un vehículo, a pesar de ser menores de idade. Todo iso tras ser detectados despois de subir varios vídeos a redes sociais manexando un coche por estradas secundarias de Bergondo.

Tal como explica a Benemérita, os vídeos revelaban que o automóbil circulaba a unha velocidade superior á permitida, o que aumentaba o risco de accidente. Ademais, eran menores de idade, legalmente inhabilitados para obter o carné.