Aparece o corpo dunha muller nunha gabia en Taramuño, Carral (A Coruña)
A muller saíu a paser pola parroquia de San Vicente de Vigo. Atopárona no fondo dunha gabia pola que corre un regato.
O corpo sen vida dunha muller foi localizado na tarde deste mércores xunto a un regato no concello coruñés de Carral.
Minutos despois das 17,00 horas deste mércores, unha veciña deu a voz de alarma tras atopar co cadáver nunha gabia, nas inmediacións dun pequeno río situado en lugar de Taramuño, na parroquia de Vigo.
Até o lugar mobilizáronse Urxencias Sanitarias e o forense, que certificaron o falecemento da muller, de idade avanzada e que residía nas proximidades de lugar onde foi atopada, segundo trasladaron fontes próximas ao caso.
O cadáver, que non presenta signos de violencia, será trasladado ao Complexo Hospitalario Universitario da Coruña para realizarlle a autopsia.
Escribe o teu comentario