Falece un estudante galego de Xornalismo durante as clases na Universidade de Valladolid

A traxedia sacudiu esta mañá a Facultade de Filosofía e Letras da Universidade de Valladolid, onde miles de estudantes regresaban este xoves tras o festivo do 1 de maio. Ás 9:55 horas, nunha das aulas do Grao de Xornalismo, deuse a voz de alarma cando un dos alumnos comezou a convulsionar. M.L.F., un estudante galego de 21 anos, natural de Lugo segundo apuntan desde O Norte de Castela, sufriu un ataque epiléptico polo que acabou falecendo, a pesar da intervención dos equipos de emerxencia.

Os axentes de Policía e os sanitarios acudiron a socorrer ao raparigo, que entrou en parada cardiorrespiratoria. A pesar dos intentos das autoridades por tratar de reanimar ao novo, os equipos desprazados só puideron confirmar a morte do estudante. 

O suceso, que levantou unha gran expectación en todo o centro educativo, conmocionou a todo o alumnado e o decano da facultade comunicou a suspensión das clases con motivo do tráxico suceso, anulando tamén as clases deste venres 3 de maio en solidariedade coa familia e amigos do estudante galego.