Outro erro do SERGAS custa a vida a outro bebé e a Xunta ofrece 30.000€ a familia de Becerreá

A Consellería de Sanidade emitiu unha resolución na que estima parcialmente a reclamación dunha paciente da área sanitaria de Lugo, de 28 anos de idade, que sufriu o falecemento intrauterino da súa filla cando se atopaba en avanzado estado de xestación, e establece para ela unha indemnización de 30.000 euros.

A noticia salta a mesma semana que se coñece un fallo xudicial por outra neglixencia médica no SERGAS que lle custou a vida a outro bebé. Nese caso, naceu sa no hospital CHUS de Santiago pero se contaxiou cunha bacteria debido a que lle puxeron unha vía intravenosa para alimentala cando non era estritamente necesario. Así o ditou a Xustiza que fixou unha indemnización moitísimo maior que no caso de Becerreá. Está por ver si a familia lucense considera xusta a compensación que lle ofrece a Xunta ou finalmente leva o tema á vía xudicial.

O proceso de Becerreá foi tramitado pola letrada Emma Pallardó, da Asociación O Defensor do Paciente, e iniciouse despois de que, en novembro de 2020, a paciente (na súa semana 37 de xestación) acudise á PAC de Becerreá ao notar unha repentina dor no estómago e as costas, e con vómitos.

Alí tomóuselle a tensión, cun resultado de 160/90 e, aínda que ese dato supuña un risco e un indicio de posible preeclampsia, a doutora que a atendeu diagnosticoulle unha epigastralgia e le recetó Primperán e paracetamol. A preeclampsia é unha complicación do embarazo que se caracteriza por presión arterial alta e dano en órganos como o fígado e os riles. Pode causar complicacións graves tanto para a nai como para o bebé, como convulsións (eclampsia), insuficiencia renal, problemas de coagulación sanguínea, parto prematuro ou mesmo a morte. É importante o monitoreo e tratamento médico axeitado para evitar complicacións.

Cinco días despois, preocupada porque non notaba movementos do bebé, acudiu ao Hospital Lucus Augusti, onde se advertiu a ausencia de latexado fetal e desprendemento de placenta, co resultado de falecemento da súa filla.

A paciente presentou unha reclamación e o Sergas recoñeceu que, cando acudiu á PAC, cumpría os requisitos para considerar o risco dunha preeclampsia, polo que debía ser sometida a unha ecografía e derivada de forma inmediata ao hospital. Alí, sostén O Defensor do Paciente, podería salvar a vida do bebé mediante un parto inducido.

Con todo, Sanidade establece como criterio indemnizatorio a 'perda de oportunidade' ao non poder asegurar que, cunha actuación distinta, púidose salvar ao feto. En todo caso, establece unha indemnización de 30.000 euros, fronte aos máis de 90.000 euros que reclamaba a paciente.

O Defensor do Paciente trasladou, en nome da muller, a súa esperanza de que esta resolución poña o foco "na falta de atención que sofren moitos pacientes nos centros de saúde, onde son atendidos con présas, sen prestar a axeitada atención a síntomas que, en ocasións como a presente, poden pór en risco a vida e/ou saúde das persoas".
 

Que é a preeclampsia e que consecuencias pode ter?
 

A preeclampsia é unha complicación médica grave que pode ocorrer durante o embarazo. Caracterízase por unha presión arterial alta (hipertensión) e dano nun ou máis órganos, xeralmente os riles e o fígado. Tamén pode causar problemas coa función hepática, coagulación sanguínea anormal, e en casos graves, pode levar a convulsións, coñecidas como eclampsia.

As consecuencias da preeclampsia poden ser bastante serias tanto para a nai como para o bebé. Algunhas das complicacións inclúen:

• 1. Dano a órganos vitais: A preeclampsia pode causar dano nos riles, o fígado e o cerebro debido á redución do fluxo sanguíneo e a función anormal dos vasos sanguíneos.
• 2. Problemas de coagulación: A preeclampsia pode aumentar o risco de coagulación sanguínea anormal, o que pode provocar complicacións como trombosis venosa profunda ou embolia pulmonar.
• 3. Eclampsia: A preeclampsia severa pode progresar a eclampsia, que se caracteriza por convulsións potencialmente mortais. Esta é unha emerxencia médica que require atención inmediata.
• 4. Atraso no crecemento fetal: A preeclampsia pode restrinxir o fluxo sanguíneo ao útero, o que pode resultar nun crecemento deficiente do feto e baixo peso ao nacer.
• 5. Parto prematuro: Nalgúns casos, a preeclampsia pode empeorar rapidamente e requirir un parto prematuro para protexer a saúde da nai e do bebé.
• 6. Morte fetal: Nos casos máis graves, a preeclampsia pode resultar na morte fetal debido á insuficiencia placentaria ou complicacións relacionadas co parto prematuro.

É importante que as mulleres embarazadas reciban atención médica regular e controlen a súa presión arterial durante o embarazo para detectar e tratar a preeclampsia canto antes. O tratamento cedo pode axudar a previr complicacións graves.