Buscan un octoxenario desaparecido este luns en Castro Caldelas
Foi visto por última vez ás seis da tarde. Efectivos de emerxencias peitearon a zona durante horas e retoman esta mañá a procura.
Efectivos de emerxencia buscan desde o luns un ancián de 89 anos de idade que permanece desaparecido no municipio ouresán de Castro Caldelas.
Segundo informou o 112 Galicia, un fillo do octoxenario chamou ao servizo de emerxencias ás 23,00 horas do luns para indicar que non sabían nada do seu paradoiro.
O familiar explicou que o viran por última vez na zona da Eirexa, na parroquia de Alais, sobre as 18,00 horas do luns día 13.
O persoal do Centro de Atención ás Emerxencias do 112 Galicia alertou enseguida á Garda Civil, ao GES de Castro Caldelas e a Protección Civil.
Os efectivos mobilizados peitearon a zona durante horas con resultado negativo. As tarefas de procura retomáronse na mañá deste martes, sobre as 8,30 horas.
Localizan no seu coche en Cedeira o mozo desaparecido en Ferrol
Retoman a busca do octoxenario desaparecido en Carballeda de Valdeorras
Localizado en bo estado o home desaparecido en Santiago de Compostela
Escribe o teu comentario