Macron, novo presidente de Francia esmagando a Le Pen

O candidato centrista practicamente duplica en votos á ultradereitista Le Pen e promete loitar "contra a división" e defender Francia.


|

Macronvictoria


O candidato centrista Emmanuel Macron apuntouse unha vitoria esmagadora na segunda volta das eleccións presidenciais francesas, ao conseguir o 66% dos votos, mentres candidata ultradereitista Marine Le Pen colleitou o 34%, segundo o escrutinio final.


O primeiro ministro francés, Bernard Cazeneuve, confirmou antes do reconto oficial a vitoria do candidato da plataforma En Marche!, ao mesmo tempo que destacou "a lucidez" que manifestaron os electores franceses co seu voto.


"Os franceses elixiron Emmanuel Macron como presidente da República. Envíolle a miña felicitación e o meu desexo de éxito no exercicio das súas funcións e ao servizo do noso país", asegurou o xefe do Executivo galo nun comunicado publicado na súa conta oficial de Twitter.


No seu primeiro discurso tras a vitoria, Macron comprometeuse a loitar "contra a división" e a escoitar os votantes de Le Pen. Declara a intención de "ser digno" da confianza que lle depositaron os franceses e pon o foco nas "fracturas sociais" e a desigualdade.


O líder de En Marche! comprometeuse a "defender a Francia", ademais de acometer "unha renovación da vida pública". Ademais, referiuse a "acougar os medos" e "renovar o optimismo" do país.


MARINE LE PEN FELICITA O GAÑADOR


Marine Le Pen, pola súa banda, confirmou na súa comparecencia que chamou a Macron para felicitalo e desexarlle "sorte" para "todos os desafíos" que o esperan como presidente do país".



Ademais, agradeceu o apoio dos "once millóns de franceses" que a votaron como candidata da Fronte Nacional este domingo e fixo un chamamento aos electores para que secunden o seu partido nas próximas eleccións lexislativas, para "unir a todos os que queiran defender Francia".


"Propoñerei unha transformación profunda do noso movemento para facer unha nova forza política", asegurou a candidata do partido ultradereitista, que xa anuncia un cambio de nome.


MACRON DOBRA EN VOTOS A LE PEN


O candidato da plataforma En Marche!, Emmanuel Macron, gañaría a segunda volta das eleccións francesas cun 65,5% dos votos, segundo a proxección realizada polo centro demoscópico Kantar Azufres-Onepoint.


Segundo este estudo, Macron conseguiría a vitoria co 65,5% e o seu rival, Marine Le Pen, a candidata do partido ultradereitista Fronte Nacional, quedaría co 34,5% dos sufraxios.


REACCIÓNS


Desde España, Mariano Rajoy felicitou ao gañador das eleccións e pediu que Francia e España traballen "por unha Europa estable, próspera e máis integrada".



Tamén o PSOE deu o seu parabén a Macron "e parabén ao pobo francés por frear a extrema dereita. Boa noticia para Europa". Coa mesma idea, do freo á ultradereita se pronuciou Susana Díaz en Twitter.



E desde Ciudadanos, que acolle na súa sede a simpatizantes do candidato europeísta, Albert Rivara afirmou que "Europa respira tranquila" nun artigo publicado nun xornal. "Francia elixiu a apertura fronte á autarquía, a modernidade fronte ao innmovilismo, a sensatez fronte á radicalidade, a aposta pola construción duns Estados Unidos de Europa fronte á demolición do soño europeo e a liberdade fronte ao odio", segundo o presidente de Cidadáns.


Ademais, distintos líderes europeos felicitaron tamén a elección de Macron para o Elíseo. Merkel, Theresa May, Hollande ou Donald Tusk mostraron a súa satisfacción pola vitoria da senda europeísta.


Tampouco Trump faltou á cita, e deu a Macron a noraboa pola "gran victoria" electoral.



relacionada Os franceses deciden hoxe o novo rumbo do país
relacionada O ciberataque contra Macron podería estar vinculado á intelixencia militar rusa

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE