Atopan un recén nacido nun contedor de lixo de Ourense

Un recén nacido foi atopado deste domingo nun colector de lixo da cidade de Ourense. O pequeno foi trasladado ao Complexo Hospitalario Universitario de Ourense (CHUO) onde permanece fóra de perigo.

Segundo fontes próximas á investigación, o bebé foi descuberto por un indixente que se atopaba revisando o contido dun colector situado no número 20 da rúa Río Bibey.

Tras recibir os primeiros auxilos, o pequeno, de dous quilos de peso, foi trasladado ao CHUO con vida e atópase fóra de perigo. As forzas da orde iniciaron unha investigación para esclarecer o caso.

Segundo declaracións de testemuñas a varios medios, o bebé "nin sequera choraba, pois respiraba con dificultade". Ademais, aínda tiña o cordón umbilical e estaba depositado sobre a placenta.

A Policía Científica incautouse de toda a roupa e parte do lixo que había no colector, incluída a roupa, o cordón umbilical e a placenta, para analizala co obxectivo de achar probas que permitan identificar os pais do recén nacido.

Tanto o persoal sanitario como a propia Policía Nacional, sospeitan que foi abandonado no colector de lixo aos poucos minutos de nacer.