Peche en Navantia Ferrol mostra que os investimentos non melloraron aínda a vida dos obreiros

Tras a concorrida manifestación do luns polas rúas de Ferrol o luns con case 2.000 manifestantes, hoxe está previsto un peche de 24 horas aprobado na última asemblea xeral de traballadores. Os proletarios planean a xornada como un foro de diálogo para deseñar a estratexia para novas mobilizacións.  Ademais, algúns sindicatos, como CXT, prevén reunións nos seus locais para debater a estratexia a adoptar. 

O peche de 24 horas empeza  o mediodía deste mércores e prolongarase toda a tarde e noite do mércores ao xoves, e enlazando co acceso ao centro produtivo nesta segunda xornada.

Hai meses que os sindicatos están a negociar coa dirección da empresa estatal unha mellora das súas condicións. Quéixanse de discriminación para a planta de Ferrol. Por exemplo, aseguran que o Plan Estratéxico está a se pór en marcha noutros centros de Navantia do Sur de España sen nisiquiera negocialo e que ese plan debería ser vital tamén para o futuro da comarca de Ferrolterra. 

O Comité de Empresa de Navantia  acusa aos responsables políticos, por exemplo ao delegado do Goberno en Galicia, de mirar outro lado cando pediron reunións para desbloquear a presunta cerrazón negociadora da empresa. Así as cousas, do encerre de hoxe probablemente sairán novas mobilizacións sindicais.

O RENACER DOS ESTALEIROS MILITARES DE FERROL?

A tensión aumenta nun momento clave para a viabilidade do estaleiro público. Tras anos de actividade reducida, en teoría os próximos anos deberían ser de certa bonanza, con proclamas de que a carga de traballo no estaleiro fenés de Navantia está garantida até o ano 2031 . En varias ocasións o Goberno garantiu a carga de traballo máxima en Navantia para os próximos "dez anos".
.

É máis, o Gobienro estima que Navantia creará 1.500 empregos directos e 15.600 indirectos nos próximos anos para garantir a carga de traballo nos seus centros, incluíndo o de Ferrol. 

Gran parte desta bonanza debería vir da construción de 5 novas fragatas F-110 para a Armada española, un proxecto que asegura carga de traballo até o ano 2032. Estímase que xerará 1.800 empregos directos e indirectos na comarca de Ferrol.a maioría na empresa pública.

Ademais, a Armada Española xa concretado a construción dun novo dun buque de apoio, cun investimento de 439 millóns de euros.

A maiores, a diversificación da actividade de Navantia xa hado réditos en sectores como a eólica mariña. Grazas á súa alianza coa asturiana Windar, os peiraos galegos traballan na elaboración de ducias de jackets para clientes como Iberdrola. 

O previsible boom desta industria nos próximos anos fronte ao a costa galega debería, en teoría, disparar a facturación desta liña de negocio. Por agora, a fábrica de monopilotes de Navantia en Fene (Ferrol) ten asegurada a carga de traballo para os próximos dous anos.

Así as cousas, dada a cantidade de proxectos en cernes nas bancadas e o diñeiro que entrará nos estaleiros, é lóxico que o cadro de persoal tente mellorar as condicións do seu convenio, que leva paralizado anos. Con todo, hai que ter en conta que non hai posturas unánimes entre os sindicatos sobre como abordar o proceso de aumento da presión. 

"Toda esta situación pon de manifesto a necesidade de levantar un novo movemento sindical que deixe atrás o modelo pactista de CCOO-#UXT ", quéixase por exemplo CXT.

O presidente do comité de empresa de Navantia Ferrol, Carlos Díaz (MAIS), afirmou este martes que os traballadores están "fartos" da "situación de inactividade".  Díaz detallou que "aínda que é certo que parecía que a semana anterior houbo certa intención por parte da dirección de avanzar na negociación, de momento para os traballadores son totalmente insuficientes", e avanzou que este xoves está prevista unha nova reunión, na que esperan "avances", polo menos "no talante negociador".

As principais reivindicacións dos proletarios teñen que ver coas categorías laborais vixentes, coa situación de 400 compañeiros que seguen en período de formación 4 anos despois da súa entrada e das condicións de prexubilación para aqueles que teñan máis de 40 anos cotizados.