Rueda inaugurará a renovada lavandaría Ilunion en Santiago de Compostela
Este venres 26 de abril celébrase a reapertura da lavandaría despois da súa ampliación.
Este venres 26 de abril a lavandaría Ilunion de Santiago de Compostela reabre as súas portas despois de acometer unha importante ampliación. A de Ilunion é un exemplo de inclusión laboral coa incorporación de persoas con discapacidade e nin Miguel Carballeda, presidente do Grupo Social ONCE, nin Alfonso Rueda, presidente da Xunta, quérense perder esta nova posta de longo.
Os dous participarán na reinauguración das renovadas instalacións con Fabiola García, conselleira de Política Social, Alberto Durán, vicepresidente primeiro de Coordinación Institucional, Solidariedade e Relacións Externas do Consello Xeral da ONCE, Manuel Martínez Pan, delegado territorial do ONCE en Galicia, Alejandro Oñoro, CEO de Ilunion, ou David López Pachón, director xeral da cadea de lavandarías.
No evento, Carballeda fará entrega ao mandatario autonómico dunha figura que simboliza unha lavandeira, o mesmo co que Ilunion condecora aos mellores equipos, cun deseño a cargo da firma Sargadelos.
Escribe o teu comentario