Un incendio forestal queima 100 hectáreas en Carballeda de Valdeorras
Este sábado pola mañá quedaron controlados todos os focos menos un, que continúa estabilizado.
Incendio de Soutadoiro. //Foto: @BrifLaza
Medio Rural deu por controlados esta mañá todos os focos menos un dun incendio forestal que afecta ao municipio ourensán de Carballeda de Valdeorras, concretamente á parroquia de Soutadoiro.
A superficie afectada ascende a 100 hectáreas, desde que se iniciou na mañá do venres en diferentes focos simultáneos.
O lume iniciouse ás 10,20 horas deste venres e localízase en diferentes focos que, segundo estimacións provisionais, suman en conxunto unhas 100 hectáreas. Nos traballos de control levan participado 1 técnico, 13 axentes, 7 brigadas, 2 motobombas, 5 helicópteros e 1 avión.
A Consellería do Medio Rural lembra que permanecen prohibidas as queimas de restos agrícolas e forestais ata novo aviso. Está a disposición da cidadanía o número de teléfono gratuíto 085, ao que deben chamar en caso de detectar algún lume forestal.
ACTUALIZACIÓN 16/04: Está extinguido desde o mediodía e chegou ás 137 hectáreas.
A Xunta declara o período de alto risco de incendios "co persoal de reforzo na casa"
Non hai condutores para as motobombas no servizo de extinción en Lugo
Escribe o teu comentario