Na recta final da campaña das eleccións vascas, e coas últimas enquisas con resultados moi parecidos, todo parece indicar que se vai a producir un empate técnico entre PNV e EH Bildu. Mentres que os votantes peneuvistas parece que están case durmidos, só a vitoria do Athletic na Copa do Rei sacoulles á rúa - niso confían os líderes do PNV-. A esquerda abertzale son conscientes do que pode significar para eles estas votacións, e mobilizáronse de xeito abondo a pesar de que os peneuvistas gáñanlles por un punto. Estes conseguirían sete e oito deputados, respectivamente.

Como vén sendo habitual nos últimos comicios, os socialistas teñen a chave para a formación do novo goberno. Segundo algunhas enquisas, a candidatura Eneko Andueza perdería uns 23.107 votos, o PNV 67.000 e a gran subida é para EH Bildu que consegue 155.760 Que postura adoptarán os socialistas? A da moderación como sempre practicaron; apoiar ao PNV, formando parte do goberno que non lle foi nada mal, aínda que ben é certo que non marcou perfil propio. Quizais porque o apoio do PNV ao goberno de Sánchez freoulle, cousas dos pactos.

A pesar de todo o que lle está sucedendo ao PSOE, os escándalos e a lei de Amnistía, no País Vasco vese ben a aplicación da mesma. Os socialistas vascos non sufriron o desgaste que lle está pasando factura noutras comunidades, como se viu nos casos de Valencia, Baleares e Aragón. Non ocorre o mesmo con Sumar e Podemos, que parece que non van conseguir entrar no parlamento e os seus votos irán parar a Bildu.

O PP parece que consegue uns 45.000 votantes máis que nas anteriores, o que significa un ou dous deputados máis. A dúbida é si VOX conseguirá manter o único deputado que tiña até agora. Só cabe esperar o reconto das urnas unha vez finalicen as votacións.

O interesante destas eleccións son a subida de Bildu, a non desfeita socialista e a perda de votos do PNV. No entanto, hai unha tradición de pactos, sen estridencias, senón cun fin práctico, e é meritorio que isto sempre ocorra. As formacións son moi pragmáticas, déixanse de bobadas e si hai que pactar páctase. Nestes momentos, porque aínda non toca, os socialistas non apoiarán un goberno de EH Bildu,porque sería pegar un tiro no pé. Os abertzales son conscientes de que agora non toca que dean ese gran paso que terían que facer os socialistas, internamente asúmeno, outra cousa ben distinta será dentro de catro anos. En catro anos poden pasar moitas cousas e as bólas de cristal non son moi cribles. No entanto, como dicía Gandhi, “o futuro depende do que facemos no presente”. Bildu sábeo e o PNV tamén, Todos son conscientes dos que lles vén encima, incluído o PP.