Enrique Mallón, secretario xeral da Asociación de Industrias do Metal e Tecnoloxías Asociadas de Galicia, expresa nunha entrevista con Galicia Press cales son os campos máis dinámicos para o metal galego así como as áreas onde a especialización pode levar por bo camiño as empresas relacionadas con el. A aposta pola diversificación e os avances tecnolóxicos garantirán o futuro dun sector que non só se debe centrar no automóbil ou no naval. Por outra banda, reclaman a materialización das melloras en infraestruturas de cara á competitividade do sector en Galicia.