Descobren en Castroverde unha necrópole medieval con máis de 20 tumbas

Unha necrópole medieval con máis de 20 tumbas foi hayada no lugar de Eirexe, na parroquia de San Miguel de Páramo, no municipio lucense de Castroverde.

Así o informou a Asociación Amigos do Patrimonio de Castroverde, que explica que o achado tivo lugar o pasado mes de xuño e trátase dunha das necrópoles altomedievais máis grandes de Galicia.

Concretamente, o descubrimento tivo lugar durante os traballos de consolidación dos restos da casa reitoral que o Concello de Castroverde desenvolve na antiga edificación situada sobre un castro e á beira da igrexa parroquial.

A asociación detalla que, durante os traballos de escavación dirixidos polo arqueólogo Francisco Hervés, púxose ao descuberto máis dunha vintena de tumbas paralelas e orientadas en dirección suroeste-noroeste, entre a reitoral e o camiño de acceso á igrexa.

Froito destas acusacións, elaborouse un informe preliminar que se remitiu á Consellería de Cultura e Educación, que deberá decidir sobre o futuro do xacemento.

Amigos do Patrimonio de Castroverde destaca que este municipio é, xunto co do Corgo, un dos concellos da provincia de Lugo con máis enterramentos antropomorfos da Alta Idade Media, con outros exemplos nos lugares de Recesende e Goi.

Á vista de achado, a asociación enviou un escrito á Consellería de Cultura na que pide un maior control nos traballos en execución no conxunto da casa reitoral, así como información sobre a necrópole e a continuación das actuacións que permitan un maior coñecemento e difusión da súa amplitude e características.